Masfjorden kommune ligg nord i Hordaland fylke og grensar til Sogn og Fjordane fylke. Kommunen har eit folketal på 1641 og eit areal på 558 km².
Kommunehuset ligg på Masfjordnes, omlag 75 km nord for Bergen sentrum. Handelssenteret ligg i Nordbygda omlag 10 min. med kabelferje til Duesund og 5 min. køyring frå Duesund.
Kommunen har tre barne- og ungdomsskular og tre barnehagar som er plassert i bygdelaga Sørsida, Indrefjorden og Nordbygda.
Kommunen er eit eldorado for frilufts-interesserte, med øyar og holmar, skog og fjell, eit unikt turterreng, og gode fiske- og jaktvilkår. Kulturlivet er allsidig med svært aktive lag og organisasjonar.
Tenestetilbodet er godt utbygd, og me trur at Masfjorden er ein god kommune å bu i for alle aldersgrupper.
